кіріс

зат. көне. Адырнаны иіп тұру үшін оның екі басын керіп байлаған жіп. Ату үшін адырнаны кері қарай қайқайта иіп кереді. Оған қайыстан, тарамыстан немесе жібектен жасалған керме жіп к і р і с байланады (Қаз. этнография., 1, 65). Қазақ садағы екі бөліктен тұрады: серпінді бөлігі – адырна, оған керілген, оқты тіреп ататын жібі – к і р і с (Бұл да, 2, 179). Садағына сары жебені салдырған, Садағының к і р і с і н Сары алтынға малдырған, Тереңнен көзін ойдырған (Махамбет: Нар заман., 227). Алты атқа алған адырна Ата алмасам, маған серт! Шым жібектен ескен к і р і с і, Үзіліп кетсең, саған серт! (Қарасай-Қази: Ақсуат, 2, 76).